Səfir

Azərbaycan Respublikasının Bolqarıstan Respublikasındakı fövqəladə və səlahiyyətli səfiri Dr. Nərgiz Qurbanova

Dr. Nərgiz Qurbanova 2016-cı il 12 yanvar tarixində Azərbaycan Respublikasının Bolqarıstan Respublikasında fövqəladə və səlahiyyətli səfiri təyin edilmişdir və 2016-cı il 24 fevral tarixində öz etimadnaməsini Bolqarıstan Respublikasının Prezidenti Zati-aliləri cənab Rosen Plevnelievə təqdim etmişdir.

Təyinatdan öncə səfir N.Qurbanova Azərbaycan Respublikası Xarici İşlər Nazirliyinin İqtisadi Əməkdaşlıq və İnkişaf İdarəsinin rəisi vəzifəsində çalışmışdır.  

N.Qurbanova həmçinin  Azərbaycan Respublikasının Avstriya Respublikasındakı Səfirliyinə və Azərbaycan Respublikasının ABŞ-dakı Səfirliyinə (müşavir, müvəqqəti işlər vəkili  və səfirinin müavini olaraq) ezam olunmuşdur.

N.Qurbanovanın Vyana Universitetindən (Avstriya) fəlsəfə elmləri doktoru, Bakı Dövlət Universitetinin (Azərbaycan) Beynəlxalq münasibətlər ixtisasi üzrə bakalavr və magistr, Qərb Universitetinin (Azərbaycan) Beynəlxalq menecment üzrə magistr dərəcələri var. N.Qurbanova həmçinin Yönşöpinq Beynəlxalq Biznes Məktəbinin (İsveç Krallığı) Beynəlxalq biznes fakültəsində və Nitsa Universitetinin (Fransa) Beynəlxalq hüquq fakültəsində təhsil almışdır.

Səfir N.Qurbanova “Azərbaycan Respublikası diplomatik xidmət orqanlarının 90 illiyi (1919- 2009)” Azərbaycan Respublikasının yubiley medalı ilə təltif edilmişdir.