Pasport yararsız hala düşdükdə
Tələb olunan sənədlər
- Doldurulmuş ərizə-anket (AR vətəndaşları üçün buradan yüklənə bilər), (AR-də qanuni əsaslarla daimi yaşayan vətəndaşlığı olmayan şəxs üçün buradan yüklənə bilər);
- Pasportun əsli;
- 2 ədəd rəngli fotoşəkil (3x4 sm ölçüdə);
- Üzərində fotoşəkil olan aşağıdakı sənədlərdən biri:
- Azərbaycan Respublikası vətəndaşının şəxsiyyət vəsiqəsi;
- Azərbaycan Respublikası tərəfindən verilmiş hərbi bileti;
- Azərbaycan Respublikası tərəfindən verilmiş sürücülük vəsiqəsi və ya şəxsiyyətini və ya vətəndaşlığını müəyyənləşdirən digər rəsmi sənədi.
İştirak etməli olan şəxslər
- 18 yaşı tamam olmuş şəxsin özü;
- 18 yaşı tamam olmamış şəxsin özü və valideyni/himayəçisi.
Rüsum
- “Dövlət rüsumu haqqında” Azərbaycan Respublikasının 2001-ci il tarixli Qanununun 16.1.2-ci maddəsinə əsasən, Azərbaycan Respublikasının diplomatik nümayəndəlik və ya konsulluğu tərəfindən Azərbaycan Respublikası vətəndaşlarına və ya Azərbaycan Respublikasında qanuni əsaslarla daimi yaşayan vətəndaşlığı olmayan şəxslərə ölkəyə qayıtmaq üçün pasportu əvəz edən Azərbaycan Respublikasına qayıdış şəhadətnaməsinin verilməsi üçün 10 ABŞ dolları məbləğində dövlət rüsumu alınır.
Ödənişlər aşağıda məlumatları qeyd olunan bank hesabına köçürülməli və ödəniş haqqında qəbz digər sənədlərlə birlikdə Səfirliyin konsulluq və viza şöbəsinə təqdim edilməlidir.
BANK: FIBANK
IBAN №: BG83FINV91501004553912
Qeyd 1: Azərbaycan Respublikası vətəndaşının və ya Azərbaycan Respublikasında daimi yaşayan vətəndaşlığı olmayan şəxsin şəxsiyyətini təsdiq edən müvafiq sənədlər mövcud olmadıqda, Azərbaycan Respublikasının diplomatik nümayəndəliyi və ya konsulluğu onun özü barəsində təqdim etdiyi məlumatların düzgünlüyünün yoxlanılması məqsədilə Azərbaycan Respublikasının müvafiq icra hakimiyyəti orqanı vasitəsilə, müstəsna hallarda isə birbaşa Azərbaycan Respublikasının müvafiq icra hakimiyyəti orqanına sorğu göndərir. Bu halda ərizəçidən 10 ABŞ dolları (Xaricdə sənədlərin sorğu əsasında alınmasına görə) əlavə rüsum tutulur.
Qeyd 2: Azərbaycan Respublikasının İnzibati Xətalar Məcəlləsinin 331-ci maddəsinə əsasən, Azərbaycan Respublikasının vətəndaşları və Azərbaycan Respublikasında daimi yaşayan vətəndaşlığı olmayan şəxslər Azərbaycan Respublikasının pasportunun və Azərbaycan Respublikasına qayıdış şəhadətnaməsinin itirilməsinə və ya qəsdən korlanmasına görə 30 manat miqdarında cərimə edilirlər (əgər pasportun yararsız hala düşməsinin səbəbi kimi bu fakt müəyyən olunarsa).