Azərbaycan Respublikası ilə Bolqarıstan Respublikası arasında diplomatik münasibətlərin qurulmasının 34-cü ildönümünü
Bu gün Azərbaycan Respublikası ilə Bolqarıstan Respublikası arasında diplomatik münasibətlərin qurulmasının 34-cü ildönümünü qeyd edirik.
Ölkələrimiz arasında münasibətlər ötən illər ərzində ardıcıl şəkildə inkişaf edərək möhkəm strateji tərəfdaşlıq səviyyəsinə yüksəlmişdir. 2015-ci ildə Prezident İlham Əliyevin Sofiyaya rəsmi səfəri çərçivəsində Azərbaycan və Bolqarıstan arasında Strateji Tərəfdaşlıq haqqında Birgə Bəyannamə imzalanmışdır. Bu əməkdaşlıq çərçivəsi 2024-cü ildə Prezident Rumen Radevin Bakıya səfəri zamanı imzalanmış Strateji Tərəfdaşlığın Gücləndirilməsi haqqında Birgə Bəyannamə ilə daha da inkişaf etdirilmişdir.
Qarşılıqlı etimad, dostluq və səmərəli əməkdaşlıq prinsiplərinə əsaslanan Azərbaycan–Bolqarıstan münasibətləri xalqlarımızın rifahı naminə uğurla inkişaf etməkdə davam edir.