Qısa tarixi məlumat

Bolqarıstan Respublikası ölkəmizin müstəqilliyini 14 yanvar 1992-ci il tarixində tanımış və iki ölkə arasında diplomatik münasibətlər 05 iyun 1992-ci ildə qurulmuşdur. Bolqarıstan Respublikasının Azərbaycan Respublikasındakı səfirliyi 1999-cu il dekabr ayında fəaliyyətə başlamışdır. 16 aprel 2004-cü ildə Azərbaycan Respublikasının Prezidenti cənab İlham Əliyev Bolqarıstanda Azərbaycan səfirliyinin təsis edilməsi haqqında sərəncam imzalamışdır. 

Azərbaycan Respublikasının Prezidenti cənab İlham Əliyevin Bolqarıstan Respublikasına rəsmi səfəri çərçivəsində 4 mart 2015-ci il tarixində “Azərbaycan Respublikası ilə Bolqarıstan Respublikası arasında strateji tərəfdaşlıq haqqında Birgə Bəyannamə”nin imzalanması ilə ikitərəfli münasibətlər strateji tərəfdaşlıq səviyyəsinədək yüksəlmişdir. Bu sənəd ölkələrimiz arasında ikitərəfli və çoxtərəfli əməkdaşlığın daha da inkişaf etdirilməsi üçün yeni imkanlar açmışdır. 
8 may 2024-cü il tarixində Bolqarıstan Respublikası Prezidenti R.Radevin Azərbaycana rəsmi səfəri çərçivəsində Azərbaycan Respublikasının Prezidenti İlham Əliyev və Bolqarıstan Respublikasının Prezidenti Rumen Radev “Azərbaycan Respublikası ilə Bolqarıstan Respublikası arasında strateji tərəfdaşlığın gücləndirilməsi haqqında Birgə Bəyannamə”ni imzalamışlar.

Yüksək səviyyəli səfərlər və görüşlər

Dövlət başçıları:

29-30 iyun 1995-ci il tarixlərində Azərbaycan Respublikasının Prezidenti cənab H.Əliyev Bolqarıstan Respublikasına rəsmi səfər etmişdir.

07-08 sentyabr 1998-ci il tarixlərində Bolqarıstan Respublikasının Prezidenti cənab P.Stoyanov Bakıda keçirilmiş tarixi ipək yolunun bərpası üzrə beynəlxalq konfransda iştirak etmək üçün Azərbaycan Respublikasına işgüzar səfər etmişdir.

02-03 dekabr 1999-cu il tarixlərində Bolqarıstan Respublikasının Prezidenti cənab P.Stoyanov Azərbaycan Respublikasına rəsmi səfər etmişdir.

07-08 oktyabr 2004-cü il tarixlərində Bolqarıstan Respublikasının Prezidenti cənab G.Pırvanov Azərbaycan Respublikasına rəsmi səfər etmişdir.

23-24 sentyabr 2005-ci il tarixlərində Azərbaycan Respublikasının Prezidenti cənab İ.Əliyev Bolqarıstan Respublikasına rəsmi səfər etmişdir.

10-12 mart 2008-ci il tarixlərində Bolqarıstan Respublikasının Prezidenti cənab G.Pırvanov Azərbaycan Respublikasına işgüzar səfər etmişdir.

22 yanvar 2009-cu il tarixində Bolqarıstan Respublikasının Prezidenti cənab G.Pırvanov Azərbaycan Respublikasına işgüzar səfər etmişdir.

13 noyabr 2009-cu il tarixində Azərbaycan Respublikasının Prezidenti  cənab İ.Əliyev Bolqarıstan Respublikasına işgüzar səfər etmişdir.

30 iyun-01 iyul 2010-cu il tarixlərində Bolqarıstan Respublikasının Prezidenti cənab G.Pırvanov Azərbaycan Respublikasına işgüzar səfər etmişdir. 

14-15 noyabr 2011-ci il tarixlərində Bolqarıstan  Respublikasının  Prezidenti cənab G.Pırvanov Azərbaycan Respublikasına rəsmi səfər etmişdir.

19-20 sentyabr 2014-cü il tarixlərində “Cənub Qaz Dəhlizi”nin təməlqoyma mərasimində iştirak etmək məqsədilə Bolqarıstan Respublikasının Prezidenti cənab R.Plevneliev Azərbaycan Respublikasına işgüzar səfər etmişdir.

03-05 mart 2015-ci il tarixlərində Azərbaycan Respublikasının Prezidenti cənab İ.Əliyev Bolqarıstan Respublikasına rəsmi səfər etmişdir.

28-29 aprel 2015-ci il tarixlərində III Qlobal Açıq Cəmiyyətlər Forumunda iştirak etmək məqsədilə Bolqarıstan Respublikasının Prezidenti cənab R.Plevneliev Azərbaycan Respublikasına işgüzar səfər etmişdir.

28-29 iyun 2015-ci il tarixlərində ilk Avropa Oyunlarının bağlanış mərasimində iştirak etmək məqsədilə Bolqarıstan Respublikasının Prezidenti cənab R.Plevneliev Azərbaycan Respublikasına işgüzar səfər etmişdir.

12-14 oktyabr 2017-ci il tarixində Bolqarıstan Respublikasının Prezidenti cənab R.Radev Azərbaycan Respublikasına rəsmi səfər etmişdir.

30 sentyabr - 1 oktyabr 2022-ci il tarixlərində Azərbaycan Respublikasının Prezidenti cənab İ.Əliyev Bolqarıstan Respublikasına rəsmi səfər etmişdir.  

10 mart 2023-cü il tarixində Bolqarıstan Respublikasının Prezidenti cənab R.Radev Azərbaycan Respublikasına işgüzar səfər etmişdir.

25 aprel 2023-cü il tarixində Azərbaycan Respublikasının Prezidenti cənab İ.Əliyev Bolqarıstan Respublikasına işgüzar səfər etmişdir.

7-8 may 2024-cü il tarixlərində Bolqarıstan Respublikasının Prezidenti cənab R.Radev Azərbaycan Respublikasına rəsmi səfər etmişdir.

Hökumət başçıları:

06-07 oktyabr 2004-cü il tarixlərində Bolqarıstan Respublikasının Baş nazirinin müavini, nəqliyyat və rabitə naziri, həmçinin Azərbaycan-Bolqarıstan Hökumətlərarası Komissiyanın Bolqarıstan tərəfindən həmsədri cənab N.Vasilevin başçılıq etdiyi nümayəndə heyəti Bakıda keçirilmiş Hökumətlərarası Komissiyanın 2-ci iclasında iştirak etmək məqsədilə Azərbaycan Respublikasına səfər etmişdir.

12-13 noyabr 2007-ci il tarixlərində Bolqarıstan Respublikasının Baş naziri cənab S.Stanişev Azərbaycan Respublikasına rəsmi səfər etmişdir.

29-30 sentyabr 2008-ci il tarixlərində Azərbaycan Respublikasının Baş nazirinin müavini, həmçinin Azərbaycan-Bolqarıstan Hökumətlərarası Komissiyanın Azərbaycan tərəfindən həmsədri cənab A.Şərifovun başçılıq etdiyi nümayəndə heyəti  Hökumətlərarası Komissiyanın 3-cü iclasında iştirak etmək məqsədilə Bolqarıstan Respublikasına səfər etmişdir.

26-27 aprel 2012-ci il tarixlərində Bolqarıstan Respublikasının Baş naziri cənab B.Borisov Azərbaycan Respublikasına rəsmi səfər etmişdir.

17 dekabr 2013-cü il tarixində Bolqarıstan Respublikasının Baş naziri Plamen Oreşarski “Şahdəniz-2” üzrə yekun investisiya qərarının imzalanma mərasimində iştirak etmək məqsədilə Azərbaycan Respublikasına işgüzar səfər etmişdir.

19-20 fevral 2014-cü il tarixlərində Bolqarıstanın Baş naziri Plamen Oreşarski Azərbaycan Respublikasına rəsmi səfər etmişdir.

26-27 may 2015-ci il tarixlərində Azərbaycan Respublikasının Baş nazirinin müavini cənab E.Əfəndiyev Bolqarıstan Respublikasına səfər etmişdir.

12-13 iyun 2015-ci il tarixlərində ilk Avropa Oyunlarının açılış mərasimində iştirak etmək məqsədilə Bolqarıstan Respublikasının Baş naziri cənab B.Borisov Azərbaycan Respublikasına işgüzar səfər etmişdir.

15-16 yanvar 2018-ci il tarixlərində Bolqarıstan Respublikasının Baş naziri B.Borisov ölkəmizə işgüzar səfər etmişdir. 16 yanvar 2018-ci il tarixində Baş nazir B.Borisov Azərbaycanın ilk aşağıbüdcəli hava şirkəti “Buta Airways” tərəfindən yerinə yetirilən Bakı-Sofiya birbaşa hava əlaqəsi xətti üzrə ilk təyyarənin Bakıda təntənəli yola salma mərasimində iştirak etmişdir.

14-15 mart 2019-cu il tarixlərində Bolqarıstan Respublikasının Baş naziri B.Borisov VII Qlobal Bakı Forumunda iştirak etmək məqsədilə ölkəmizə işgüzar səfər etmişdir.

21 iyul 2022-ci il tarixində Bolqarıstan Respublikasının Baş naziri cənab K.Petkov Azərbaycan Respublikasına səfər etmişdir.

Parlament sədrləri:

27-30 sentyabr 2004-cü il tarixlərində Azərbaycan Respublikası Milli Məclisinin sədri cənab M.Ələsgərov Bolqarıstan Respublikasına rəsmi səfər etmişdir.

24-25 noyabr 2006-cı il tarixlərində Bolqarıstan Respublikası Xalq Məclisinin sədri cənab G.Pirinski Azərbaycan Respublikasına rəsmi səfər etmişdir.

19-21 may 2008-ci il tarixlərində Azərbaycan Respublikası Milli Məclisinin sədri cənab O.Əsədov Bolqarıstan Respublikasına rəsmi səfər etmişdir.

13-15 may 2012-ci il tarixlərində Bolqarıstan Respublikası Xalq Məclisinin sədri xanım Ts.Tsaçeva Azərbaycan Respublikasına rəsmi səfər etmişdir.

27-28 noyabr 2012-ci il tarixlərində Bolqarıstan Respublikası Xalq Məclisinin sədri xanım Ts.Tsaçeva Qara Dəniz İqtisadi Əməkdaşlıq Təşkilatının Parlament Assambleyası (QDİƏT PA) Baş Assambleyasının növbəti 40-cı plenar sessiyasında iştirak etmək məqsədilə Azərbaycan Respublikasına işgüzar səfər etmişdir. Plenar sessiya çərçivəsində QDİƏT-nın Parlament Assambleyasına sədrlik, növbəti rotasiyaya əsasən, Azərbaycandan Bolqarıstana keçmişdir.

18-21 dekabr 2012-ci il tarixlərində Bolqarıstan Respublikası Xalq Məclisinin sədrinin müavini cənab G.Pirinski Bakıda keçirilmiş GUAM Parlament Assambleyasının 5-ci  iclasında iştirak etmək məqsədilə Azərbaycan Respublikasına işgüzar səfər etmişdir.

19-21 sentyabr 2018-ci il tarixlərində Bolqarıstan Respublikası 44-cü Xalq Məclisinin sədri Tsveta Karayançeva 21 sentyabr 2018-ci il tarixində Azərbaycan Parlamentinin 100 illiyi münasibətilə keçirilmiş təntənəli iclasda iştirak etmək məqsədilə ölkəmizə səfər etmişdir.

19-22 iyun 2019-cu il tarixlərində Bolqarıstan Respublikasının 44-cü Xalq Məclisinin sədri Tsveta Karayançevanın başçılıq etdiyi nümayəndə heyəti Bakıda baş tutmuş QDİƏT PA 53-cü sessiyasında iştirak etmək və QDİƏTPA-da sədrliyi Azərbaycan tərəfindən təhvil almaq məqsədilə Azərbaycana səfər etmişdir.

11-13 sentyabr 2023-cü il tarixində Azərbaycan Respublikası Milli Məclisinin sədri xanım Sahibə Qafarovanın rəhbərlik etdiyi nümayəndə heyəti Bolqarıstan Respublikasına rəsmi səfər etmişdir.

4 mart 2024-cü il tarixində Bolqarıstan Respublikası Xalq Məclisinin sədri Rosen Jelyazkovun başçılıq etdiyi nümayəndə heyəti Azərbaycan Respublikasına rəsmi səfər etmişdir.

Xarici İşlər Nazirləri:

9 -10 noyabr 1997-ci il tarixlərində Bolqarıstan Respublikasının xarici işlər naziri xanım N.Mixaylova Azərbaycan Respublikasına səfər etmişdir.

15-16 mart 2004-cü il tarixlərində Bolqarıstan Respublikasının xarici işlər naziri cənab S.Passi ATƏT-in fəaliyyətdə olan sədri kimi Azərbaycan Respublikasına səfər etmişdir.

30 aprel 2004-cü il tarixində Bolqarıstan Respublikasının xarici işlər nazirinin müavini cənab İ.Petkovun başçılıq etdiyi nümayəndə heyəti Bakıda keçirilmiş Qara Dəniz İqtisadi Əməkdaşlıq Təşkilatının tədbirində iştirak etmək məqsədilə Azərbaycan Respublikasına səfər etmişdir.

04-05 dekabr 2004-cü il tarixlərində Azərbaycan Respublikasının xarici işlər naziri cənab E.Məmmədyarov Sofiyada keçirilmiş  ATƏT-in   xarici işlər nazirlərinin 12-ci sessiyasında iştirak etmək məqsədilə Bolqarıstan Respublikasına səfər etmişdir.

17-18 aprel 2008-ci il tarixlərində Azərbaycan Respublikasının xarici işlər naziri cənab E.Məmmədyarov Bolqarıstan Respublikasına rəsmi səfər etmişdir.

22 oktyabr 2009-cu il tarixində Bolqarıstan Respublikasının xarici işlər naziri xanım R.Jeleva Bakı şəhərində keçirilmiş Qara Dəniz İqtisadi Əməkdaşlıq Təşkilatının Xarici İşlər Nazirləri Şurasının növbəti iclasında iştirak etmək məqsədilə Azərbaycan Respublikasına səfər etmişdir.

18 may 2010-cu il tarixində Azərbaycan Respublikası xarici işlər nazirinin müavini M.Məmməd-Quliyev Sofiya şəhərində keçirilmiş Qara Dəniz İqtisadi Əməkdaşlıq Təşkilatının xarici işlər nazirlərinin 22-ci iclasında iştirak etmək məqsədilə Bolqarıstan Respublikasına səfər etmişdir.

11-12 dekabr 2012-ci il tarixlərində Bolqarıstan Respublikasının xarici işlər naziri cənab N.Mladenov, Polşa Respublikası Prezident Administrasiyasının rəhbəri cənab J.Mixaylovski və İsveç Krallığının xarici işlər naziri cənab G. Bildtdən ibarət nümayəndə heyəti Azərbaycan Respublikasına səfər etmişlər.

4-7 fevral 2014-cü il tarixlərində Azərbaycan Respublikası xarici işlər nazirinin müavini cənab X.Xələfov Sofiya şəhərində keçirilmiş AR XİN və BR XİN arasında ilk siyasi məsləhətləşmələrdə iştirak etmək məqsədilə Bolqarıstan Respublikasına səfər etmişdir.

18-20 iyun 2014-cü il tarixlərində Azərbaycan Respublikası xarici işlər nazirinin müavini M.Məmməd-Quliyev Varna şəhərində keçirilmiş Qara Dəniz İqtisadi Əməkdaşlıq Təşkilatının xarici işlər nazirlərinin 30-cu iclasında iştirak etmək məqsədilə Bolqarıstan Respublikasına səfər etmişdir.

03-05 mart 2015-ci il tarixlərində Azərbaycan Respublikasının xarici işlər naziri cənab E.Məmmədyarov  Azərbaycan Respublikasının Prezidenti cənab İ.Əliyevin Bolqarıstana rəsmi səfəri zamanı ölkəmizin nümayəndə heyətinin tərkibində Bolqarıstan Respublikasına səfər etmişdir.

31 oktyabr 2018-ci il tarixlərində Azərbaycan Respublikasının xarici işlər naziri Elmar Məmmədyarovun Bolqarıstana rəsmi səfəri çərçivəsində Strateji Dialoqun birinci iclası keçirilmiş və iki ölkənin xarici işlər nazirləri səviyyəsində ikitərəfli, regional və qlobal məsələlərə dair müzakirələr aparılmışdır.

23-25 iyun 2019-cu il tarixlərində Azərbaycan ilə Bolqarıstan arasında Strateji Dialoqun birinci iclasının nəticələrinin müzakirəsi məqsədilə Bolqarıstan Respublikasının xarici işlər naziri Yekaterina Zaxariyeva Azərbaycana rəsmi səfər etmişdir.

30 may - 1 iyun 2022-ci il tarixlərində Azərbaycan Respublikasının xarici işlər naziri cənab Ceyhun Bayramov Bolqarıstan Respublikasına rəsmi səfər etmişdir.  

1 dekabr 2023-cü il tarixində Azərbaycan Respublikası xarici işlər nazirinin müavini cənab Y.Rəfiyev Sofiya şəhərində keçirilmiş AR XİN və BR XİN arasında 4-cü siyasi məsləhətləşmələrdə iştirak etmək məqsədilə Bolqarıstan Respublikasına səfər etmişdir.

Parlamentlərarası münasibətlər

Azərbaycan-Bolqarıstan parlamentlərarası əlaqələr üzrə işçi qrupu 2005-ci ilin dekabr ayında yaradılmışdır. 17 üzvü olan qrupun rəhbəri Milli Məclisin üzvü Rauf Əliyevdir. Bolqarıstan Respublikasının 49-cu Xalq Məclisində Bolqarıstan-Azərbaycan parlamentlərarası dostluq qrupunun sədri Həmid Həmiddir (Hüquqlar və Azadlıqlar Hərəkatı (DPS) partiyasının nümayəndəsi) və 39 üzvü var.

İki ölkənin şəhərləri arasında əlaqələr

Şəki - Qabrovo:

7 oktyabr 2004-cü il tarixində Şəki və Qabrovo şəhərlərinin icra hakimiyyətlərinin başçıları tərəfindən imzalanmış birgə bəyannaməyə əsasən Şəki və Qabrovo şəhərləri qardaşlaşmışlar.

Gəncə - Varna:

21 dekabr 2016-cı il tarixində Varna şəhərinin meri I.Portnihin Gəncəyə səfəri zamanı “Azərbaycanın Gəncə şəhəri ilə Bolqarıstanın Varna şəhəri arasında əməkdaşlığa dair xartiya” imzalanmışdır.

Sumqayıt - Burqas:

2018-ci ildə “Azərbaycan Respublikasının Sumqayıt və Bolqarıstan Respublikasının Burqas şəhərləri arasında dostluq və əməkdaşlıq əlaqələrinin qurulması haqqında Saziş”in imzalanması ilə Sumqayıt və Burqas şəhərləri arasında qardaşlaşmış şəhər əlaqələri qurulmuşdur.

Naxçıvan - Veliko Tırnovo:

18 aprel 2019-cu il tarixində Azərbaycan Respublikasının Naxçıvan Muxtar Respublikasının Naxçıvan şəhəri ilə Bolqarıstan Respublikasının Veliko Tırnovo şəhəri arasında mədəniyyət, turizm, şəhərsalma, təhsil, elm, iqtisadiyyat və ictimai həyatın digər uyğun sahələrində əməkdaşlığa dair Tərəfdaşlıq Razılaşması imzalanmışdır.

Müqavilə-hüquq bazası

Azərbaycan   Respublikası  və Bolqarıstan  Respublikası  arasında  107  sənəd imzalanmışdır.

İmzalanmış sənədlər:

         1992-ci il

1. Azərbaycan Respublikası ilə Bolqarıstan Respublikası arasında diplomatik münasibətlərin qurulmasına dair Protokol (Oslo, 5 iyun 1992)
   
   
   1995-ci il

2. Azərbaycan Respublikası Hökuməti ilə Bolqarıstan Respublikası Hökuməti arasında ticarət-iqtisadi və elmi-texniki əməkdaşlıq haqqında Saziş (Sofiya, 29 iyun 1995)

3. Azərbaycan Respublikası Hökuməti ilə Bolqarıstan Respublikası Hökuməti arasında sərnişin və yüklərin beynəlxalq avtomobil daşımaları haqqında Saziş (Sofiya, 29 iyun 1995)

4. Azərbaycan Respublikası ilə Bolqarıstan Respublikası arasında dostluq münasibətləri və əməkdaşlıq haqqında Müqavilə (Sofiya, 29 iyun 1995)

5. Azərbaycan Respublikası ilə Bolqarıstan Respublikası arasında təslim etmə haqqında Müqavilə (Sofiya, 29 iyun 1995)

6. Azərbaycan Respublikası ilə Bolqarıstan Respublikası arasında cinayət işləri üzrə hüquqi yardım haqqında Müqavilə (Sofiya, 29 iyun 1995)

7. Azərbaycan Respublikası ilə Bolqarıstan Respublikası arasında mülki işlər üzrə hüquqi yardım haqqında Müqavilə (Sofiya, 29 iyun 1995)

8. Azərbaycan Respubikasının Hökuməti ilə Bolqarıstan Respubikasının Hökuməti arasında öz sərhədləri arasında və sərhədlərindən kənarda hava nəqliyyatı haqqında Saziş (Sofiya, 29 iyun 1995).
    

       1997-ci il

9. Azərbaycan Respublikası Xarici İşlər Nazirliyi və Bolqarıstan Respublikası Xarici İşlər Nazirliyi arasında əməkdaşlıq haqqında Protokol (Bakı, 9 noyabr 1997).

        1999-cu il

10. Birgə Bəyanat (Bakı, 2 dekabr 1999)

11. Azərbaycan Respublikası Hökuməti və Bolqarıstan Respublikası Hökuməti arasında turizm sahəsində əməkdaşlıq haqqında Saziş (Bakı, 2 dekabr 1999)

12. Azərbaycan Respublikası Hökuməti və Bolqarıstan Respublikası Hökuməti arasında gömrük işi sahəsində qarşılıqlı əməkdaşlıq haqqında Saziş (Bakı, 2 dekabr 1999)

13. Azərbaycan Respublikası Hökuməti və Bolqarıstan Respublikası Hökuməti arasında standartlaşdırma, metrologiya və sertifikatlaşdırma sahəsində əməkdaşlıq haqqında Saziş (Bakı, 2 dekabr 1999)

14. Azərbaycan Respublikası Dövlət Statistika Komitəsi ilə Bolqarıstan Respublikası Milli Statistika İnstitutu arasında statistika sahəsində əməkdaşlıq haqqında Saziş (Bakı, 2 dekabr 1999).

         2001-ci il

15. Bakı Slavyan Universiteti ilə Konstantin Preslavski adına Şumen Universiteti arasında əməkdaşlıq haqqında Saziş (Şumen, 31 oktyabr 2001).
    
    
    2002-ci il

16. Azərbaycan Respublikası Müdafiə Nazirliyi və Bolqarıstan Respublikası Müdafiə Nazirliyi arasında müdafiə sahəsində əməkdaşlıq haqqında Saziş (Sofiya, 25 sentyabr 2002)

17. Bakı Slavyan Universiteti ilə Müqəddəs K.Oxridski adına Sofiya Universiteti arasında əməkdaşlıq haqqında Saziş (Sofiya, 10 oktyabr 2002).

          2004-cü il

18. Birgə Bəyannamə (Bakı, 7 oktyabr 2004)

19. Azərbaycan Respublikası Hökuməti və Bolqarıstan Respublikası Hökuməti arasında səhiyyə və tibb elmi sahəsində əməkdaşlıq haqqında Saziş (Bakı, 7 oktyabr 2004)

20. Azərbaycan Respublikası Hökuməti və Bolqarıstan Respublikası Hökuməti arasında beynəlxalq kombinə edilmiş yük daşımaları haqqında Saziş (Bakı, 7 oktyabr 2004)

21. Azərbaycan Respublikası Hökuməti və Bolqarıstan Respublikası Hökuməti arasında ticarət gəmiçiliyi haqqında Saziş (Bakı, 7 oktyabr 2004);

22. Əməkdaşlıq haqqında Saziş (AzərTac-BTA). Yalnız ingilis dilində imzalanmışdır (Bakı, 7 oktyabr 2004)

23. Şəki (Azərbaycan Respublikası) və Qabrovo (Bolqarıstan Respublikası) arasında qardaşlaşmış-şəhər münasibətlərinin yaradılması haqqında Birgə Bəyannamə (Bakı, 7 oktyabr 2004).
     

         2005-ci il

24. Birgə Bəyannamə (Sofiya, 23 sentyabr 2005)

25. Azərbaycan Respublikası Hökuməti və Bolqarıstan Respublikası Hökuməti arasında Avropa və Avro-Atlantik inteqrasiya sahəsində əməkdaşlıq haqqında Memorandum (Sofiya, 23 sentyabr 2005)

26. Azərbaycan Respublikası Hökuməti və Bolqarıstan Respublikası Hökuməti arasında sadələşdirilmiş viza rejimi haqqında Saziş (Sofiya, 23 sentyabr 2005)

27. Azərbaycan Respublikası Dövlət Gömrük Komitəsi və Bolqarıstan Respublikası Milli Gömrük Agentliyi arasında gömrük əməkdaşlığının dərinləşdirilməsi, o cümlədən kadrların peşəkar hazırlığı və ixtisaslarının artırılması sahəsində Qarşılıqlı Anlaşma Protokolu (Sofiya, 23 sentyabr 2005)

28. Azərbaycan Respublikasının və Bolqarıstan Respublikasının aviasiya hakimiyyət orqanları arasında gələcək əməkdaşlıq haqqında Protokol (Sofiya, 23 sentyabr 2005)

29. “Azərbaycan Televiziya və Radio Verilişləri” Qapalı Səhmdar Cəmiyyəti və Bolqarıstan Milli Televiziyası arasında əməkdaşlıq haqqında Saziş (Sofiya, 23 sentyabr 2005).
     

          2006-cı il

30. Azərbaycan Respublikası Gənclər və İdman Nazirliyi və Bolqarıstan Respublikası Gənclər və İdman Dövlət Agentliyi arasında gənclər siyasəti və idman sahəsində əməkdaşlıq haqqında Saziş (Bakı, 19 sentyabr 2006).

          2007-ci il

31. Azərbaycan Respublikasının Ədliyyə Nazirliyi və Bolqarıstan Respublikasının Ədliyyə Nazirliyi arasında əməkdaşlıq haqqında Saziş (Bakı, 15 may 2007)

32. Azərbaycan Respublikası Hökuməti və Bolqarıstan Respublikası Hökuməti arasında antiinhisar siyasəti və rəqabətin müdafiəsi sahəsində əməkdaşlıq haqqında Saziş (Bakı, 12 noyabr 2007)

33. Azərbaycan Respublikası Hökuməti və Bolqarıstan Respublikası Hökuməti arasında iqtisadi əməkdaşlıq haqqında Saziş (Bakı, 12 noyabr 2007)

34. Azərbaycan Respublikası Hökuməti və Bolqarıstan Respublikası Hökuməti arasında gəlirlərə və əmlaka görə vergilərə münasibətdə ikiqat vergitutmanın aradan qaldırılması haqqında Konvensiya və onun Protokolu (Bakı, 12 noyabr 2007).

          2008-ci il

35. Azərbaycan Respublikasının Xarici İşlər Nazirliyi və Bolqarıstan Respublikasının Xarici İşlər Nazirliyi arasında məsləhətləşmələr haqqında Anlaşma Memorandumu (Sofiya, 18 aprel 2008).
    
     

         2009-cu il

36. Bakı Slavyan Universiteti ilə Bolqarıstanın Milli və Dünya İqtisadiyyatı Universiteti arasında əməkdaşlıq haqqında Saziş (Bakı, 3 iyun 2009)

37. Azərbaycan Respublikası Sənaye və Energetika Nazirliyi və Bolqarıstan Respublikası İqtisadiyyat, Energetika və Turizm Nazirliyi arasında energetika sahəsində əməkdaşlıq haqqında Anlaşma Memorandumu (Sofiya, 13 noyabr 2009).

          2010-cu il

38. Azərbaycan Dövlət Mədəniyyət və İncəsənət  Universiteti ilə Bolqarıstan Milli İncəsənət Akademiyası arasında əməkdaşlıq haqqında Saziş (Sofiya, 16 aprel 2010)

39. Azərbaycan Dövlət Mədəniyyət və İncəsənət Universiteti ilə Bolqarıstan Milli Teatr və Kino Akademiyası arasında əməkdaşlıq haqqında Saziş (Sofiya, 16 aprel 2010)

40. Azərbaycan Respublikasının Əmlak Məsələləri Dövlət Komitəsi və Bolqarıstan Respublikasının Özəlləşdirmə və Özəlləşdirmədən sonra Nəzarət Agentliyi arasında əməkdaşlıq haqqında Memorandum (Bakı, 23 sentyabr 2010).
     

         2011-ci il

41. Azərbaycan Respublikası Hökuməti və Bolqarıstan Respublikası Hökuməti arasında mədəniyyət sahəsində əməkdaşlığa dair Saziş (Bakı, 8 aprel 2011)

42. Azərbaycan Respublikası Hökuməti və Bolqarıstan Respublikası Hökuməti arasında məxfi informasiyanın qarşılıqlı mühafizəsi və mübadiləsi haqqında Saziş (Bakı, 14 noyabr 2011)

43. Azərbaycan Respublikasının Əmək və Əhalinin Sosial Müdafiəsi Nazirliyi və Bolqarıstan Respublikasının Əmək və Sosial Siyasət Nazirliyi  arasında əməkdaşlıq haqqında Memorandum (Bakı, 14 noyabr 2011)

44. Azərbaycan Respublikası Xarici İşlər Nazirliyinin Diplomatik Akademiyası və Bolqarıstan Respublikasının xarici işlər naziri yanında Diplomatik İnstitut arasında əməkdaşlıq haqqında Memorandum (Bakı, 14 noyabr 2011)

45. Azərbaycan Dövlət İqtisad Universiteti (Azərbaycan Respublikası) və Milli və Dünya Təsərrüfatı Universiteti, Sofiya (Bolqarıstan Respublikası) arasında Əməkdaşlıq Sazişi (Bakı, 14 noyabr 2011)

46. Azərbaycan Milli Elmlər Akademiyası və Bolqarıstan Elmlər Akademiyası arasında əməkdaşlıq haqqında Saziş (Bakı, 29 noyabr 2011).

          2012-ci il

47. Azərbaycan Dövlət Neft Şirkəti (ARDNŞ) ilə Bolqarıstanın Enerji Holdinqi (BEH) arasında təbii qaz və neft sahəsində Anlaşma Memorandumu (Bakı, 26 aprel 2012)

48. Azərbaycanda İxracın və İnvestisiyanın Təşviqi Fondu (AZPROMO) ilə Bolqarıstanın Ticarət və Sənaye Palatası arasında Anlaşma Memorandumu (Bakı, 26 aprel 2012)

49. Azərbaycan Respublikası Hökuməti və Bolqarıstan Respublikası Hökuməti arasında fövqəladə hallar sahəsində əməkdaşlıq haqqında Saziş (Bakı, 27 aprel 2012)

50. Azərbaycan Respublikası Hökuməti və Bolqarıstan Respublikası Hökuməti arasında cinayətkarlıqla mübarizə sahəsində əməkdaşlıq haqqında Saziş (Bakı, 27 aprel 2012)

51. Azərbaycan Respublikasının Konstitusiya Məhkəməsi ilə Bolqarıstan Respublikasının Konstitusiya Məhkəməsi arasında Əməkdaşlıq haqqında Memorandum (Bakı, 2 iyul 2012)

52. Azərbaycan Tibb Universiteti ilə Sofiya Tibb Universiteti arasında Anlaşma Memorandumu (Sofiya, 18 sentyabr 2012)

53. Bakı Dövlət Universiteti ilə Müqəddəs K.Oxridski adına Sofiya Universiteti arasında əməkdaşlıq haqqında Saziş (Bakı, 3 oktyabr 2012)

54. İctimai Radio və Televiziya Şirkəti  (İTV) ilə Bolqarıstanın Milli Televiziyası (BNT) arasında Saziş (Bakı 5 oktyabr 2012)

55. Azərbaycanın Beynəlxalq Xəbər Agentliyi “Trend” ilə Bolqarıstanın Xəbər Agentliyi (BTA) arasında əməkdaşlıq haqqında Saziş (Bakı, 5 oktyabr 2012)

56. Azərbaycan Respublikasının Ali Məhkəməsi ilə Bolqarıstan Respublikasının Ali Kassasiya Məhkəməsi arasında ədliyyə sahəsində əməkdaşlıq Protokolu (Bakı, 12 noyabr 2012).
     

         2013-cü il

57. Bakı Ali Neft Məktəbi ilə Sofiya Texniki Universiteti arasında Anlaşma Memorandumu (Bakı, 16 may 2013)

58. Bakı Ali Neft Məktəbi ilə “Assen Zlatarov” adına Burqas Universteti arasında Anlaşma Memorandumu (Bakı, 16 may 2013)

59. Bakı Ali Neft Məktəbi ilə Qabrovo Texniki Universiteti arasında Anlaşma Memorandumu (Bakı, 16 may 2013)

60. Bakı Slavyan Universiteti ilə Müqəddəs K. Oxridski adına Sofiya Universiteti arasında Müqəddəs K. Oxridski adına Sofiya Universitetində Azərbaycan Dilli və Mədəniyyəti Mərkəzinin yaradılması haqqında Saziş (Sofiya, 24 may 2013).
     

         2014-cu il

61. Azərbaycan Respublikası Hökuməti və Bolqarıstan Respublikası Hökuməti arasında ətraf mühitin mühafizəsi sahəsində əməkdaşlığa dair Anlaşma Memorandum (Bakı, 20 fevral 2014)

62. Bakı Dövlət Universiteti ilə Müqəddəs Kiril və Metodiy adına Veliko Tırnovo Universiteti arasında Anlaşma Memorandumu (Bakı, 20 fevral 2014)

63. Azərbaycan Respublikası Maliyyə Nazirliyi və Bolqarıstan Respublikasının Maliyyə Nazirliyi arasında Əməkdaşlıq haqqında Saziş (Bakı, 20 fevral 2014)

64. Azərbaycan Dövlət Aqrar Universiteti ilə Plovdiv Aqrar Universiteti arasında əməkdaşlıq haqqında Saziş (Bakı, 23 may 2014)

65. Azərbaycan Respublikasının Kənd Təsərrüfatı Nazirliyi ilə Bolqarıstan Respublikasının Kənd Təsərrüfatı və Ərzaq Nazirliyi arasında kənd təsərrüfatı sahəsində əməkdaşlıq haqqında Anlaşma Memorandumu (Bakı, 30 iyun 2014)

66. Azərbaycan Respublikasının Baş Prokurorluğu ilə Bolqarıstan Respublikasının Baş Prokurorluğu arasında  Əməkdaşlıq Proqramı (Bakı, 30 iyun 2014)

67. Azərbaycan Respublikası Prezidenti və Bolqarıstan Respublikası Prezidenti arasında Birgə Bəyanat (Bakı, 19 sentyabr 2014)

68. Azərbaycan Respublikasının Dövlət Neft Şirkəti (ARDNŞ) ilə “Bulgartransgaz” arasında Çiren qaz yatağının istifadəsi ilə bağlı layihədə əməkdaşlıq imkanları haqqında Anlaşma Memorandumu (Bakı, 20 sentyabr 2014)

69. Azərbaycan Respublikasının Dövlət Neft Şirkəti (ARDNŞ) ilə “Bulgartransgaz” arasında Niyyət Protokolu (Bakı, 20 sentyabr 2014)

70.  “Trend” İnformasiya Agentliyi (Azərbaycan) ilə Fokus İnformasiya Agentliyi (Bolqarıstan) arasında əməkdaşlıq və məlumat mübadiləsi haqqında Saziş (Bakı, 4 noyabr 2014).
     

          2015-ci il

71. Azərbaycan Respublikası Hökuməti ilə Bolqarıstan Respublikası Hökuməti arasında elektron rabitə, informasiya texnologiyaları və elektron idarəçilik sahəsində əməkdaşlıq haqqında Saziş” (Sofiya, 4 mart 2015)

72. Azərbaycan Respublikasının Mədəniyyət və Turizm Nazirliyi və Bolqarıstan Respublikasının Turizm Nazirliyi arasında turizm sahəsində əməkdaşlığın genişləndirilməsinə dair Protokol (Sofiya, 4 mart 2015)

73. Azərbaycan Respublikası ilə Bolqarıstan Respublikası arasında strateji tərəfdaşlıq haqqında Birgə Bəyannamə (Sofiya, 4 mart 2015)

74. M.F.Axundov adına Azərbaycan Milli Kitabxanası ilə Bolqarıstanın Müqəddəs Kiril və Metodiy Milli Kitabxanası arasında qarşılıqlı əməkdaşlıq haqqında Anlaşma Memorandumu (Sofiya şəhəri, 17 aprel 2015-ci il)

75.  Bakı Ali Neft Məktəbi ilə Bolqarıstanın Anqel Kınçev adına Ruse Universiteti arasında əməkdaşlıq haqqında Saziş (Bakı şəhəri, 20 aprel 2015-ci il).

         2016-cı il

76. Bakı Beynəlxalq Dəniz Ticarət Limanı ilə Bolqarıstanın Liman İnfrastrukturu şirkəti arasında Memorandum (Bakı, 29 sentyabr 2016-cı il)

77. AZPROMO və Bolqarıstanın Kiçik və Orta Sahibkarlığın Təşviqi Agentliyiarasında əməkdaşlığa dair Memorandum (Bakı, 29 sentyabr 2016-cı il)

78. Azərbaycan Ticarət və Sənaye Palatası və Sofiya şəhərinin Ticarət-Sənaye Palatasıarasında əməkdaşlığa dair Memorandum (Bakı, 29 sentyabr 2016-cı il)

79. Azərbaycan Ticarət və Sənaye Palatası ilə Bolqarıstanın Kiçik və Orta Sahibkarlığın Təşviqi Agentliyiarasında əməkdaşlığa dair Memorandum (Bakı, 29 sentyabr 2016-cı il)

80. AZPROMO və Bolqarıstan-Azərbaycan Ticarət-Sənaye Palatası arasında əməkdaşlığa dair memorandum (Bakı, 29 sentyabr 2016-cı il)

81. APA İnformasiya Agentliyi ilə Bolqarıstanın FOCUS Xəbər Agentliyi arasında əməkdaşlıq haqqında saziş (Bakı, 11 oktyabr 2016-cı il).
     

         2017-cı il

82. Azərbaycan Milli Elmlər Akademiyası (AMEA) ilə Bolqarıstan Elmlər Akademiyası (BEA) arasında elm və texnologiya üzrə əməkdaşlıq haqqında Saziş, həmçinin Sazişə Əlavə protokolu (Sofiya, 10 aprel 2017-ci il); qeyd edilən saziş ilə AMEA ilə BEA arasında əməkdaşlıq haqqında 29 noyabr 2011 tarixli Saziş qüvvədən düşmüşdür.

83. SOCAR və “Bulqartransqaz” arasında Anlaşma Memorandumu (Sofiya, 18 iyul 2017-ci).

          2018-ci il

84. Azərbaycan Milli Elmlər Akademiyasının Nizami Gəncəvi adına Ədəbiyyat İnstitutu ilə Bolqarıstan Elmlər Akademiyasının Ədəbiyyat İnstitutu arasında Anlaşma Memorandumu (21 may 2018-ci il, Sofiya şəhəri)

85. Azərbaycan Milli Elmlər Akademiyasının Arxeologiya və Etnoqrafiya İnstitutu ilə Bolqarıstan Elmlər Akademiyasının Milli Arxeologiya İnstitutu və Muzeyi arasında Əməkdaşlıq Sazişi (21 may 2018-ci il, Sofiya şəhəri)

86. Sumqayıt şəhəri (Azərbaycan Respublikası) ilə Burqas (Bolqarıstan Respublikası) şəhəri arasında əməkdaşlıq əlaqələrinin qurulması haqqında Saziş (26 iyun 2018-ci il, Burqas şəhəri)

87. Bolqarıstanın Müqəddəs İvan Rilski adına Dağ-mədən və Geologiya Universiteti ilə Bakı Dövlət Universiteti arasında Anlaşma Memorandumu (24 sentyabr 2018-ci il, Bakı şəhəri)

88. Azərbaycan Dövlət Bədən Tərbiyəsi və İdman Akademiyası ilə Vasil Levski adına Milli İdman Akademiyası arasında Akademik əməkdaşlıq və mübadilə haqqında Saziş (5 oktyabr 2018-ci il, Sofiya şəhəri)

89. Azərbaycan Respublikası Təhsil Nazirliyi və Bolqarıstan Respublikası Təhsil və Elm Nazirliyi arasında təhsil sahəsində əməkdaşlıq haqqında Anlaşma Memorandumu (31 oktyabr 2018-ci il, Sofiya şəhəri)

90. AR Kənd Təsərrüfatı Nazirliyi yanında Aqrar Elm və İnnovasiya Mərkəzi ilə BR Kənd Təsərrüfatı Akademiyası arasında elmi-texniki əməkdaşlıq üzrə saziş (7 noyabr 2018-ci il, Sofiya şəhəri)

91. “Sumqayıt Kimya Sənaye Parkı” MMC ilə Bolqarıstan Milli Sənaye Zonaları Şirkət arasında anlaşma memorandumu (7 noyabr 2018-ci il, Sofiya şəhəri)

92. Azərbaycan Turizm və Menecment Universiteti ilə Bolqarıstanın Beynəlxalq Biznes Məktəbi arasında Anlaşma Memorandumu (7 noyabr 2018-ci il, Sofiya şəhəri).
     

2019-cu il

93. Azərbaycan Milli Tarix Muzeyi ilə Bolqarıstan Milli Tarix Muzeyi arasında Anlaşma Memorandumu

94. Azərbaycan Respublikasının Naxçıvan Muxtar Respublikasının Naxçıvan şəhəri ilə Bolqarıstan Respublikasının Veliko Tırnovo şəhəri arasında mədəniyyət, turizm, şəhərsalma, təhsil, elm, iqtisadiyyat və ictimai həyatın digər uyğun sahələrində əməkdaşlığa dair Tərəfdaşlıq Razılaşması (1 aprel 2019-cu il, Naxçıvan şəhəri və 18 aprel 2019-cu il, Veliko Tırnovo şəhəri)

95. Bakı Slavyan Universiteti ilə Müqəddəs Kiril və Mefodiy adına Veliko Tırnovo Universiteti arasında Əməkdaşlıq haqqında Müqavilə (17 aprel 2019-cu il, Sofiya şəhəri)

96. Azərbaycan Dövlət Aqrar Universiteti ilə Plovdiv Aqrar Universiteti arasında əməkdaşlıq haqqında Saziş (2014) yenilənmişdir (4 iyun 2019-cu il, Gəncə)

97. Azərbaycan Respublikası Mədəniyyət Nazirliyi ilə Bolqarıstan Respublikası Mədəniyyət Nazirliyi arasında mədəniyyət sahəsində əməkdaşlığa dair 2019-2023-cü illər üzrə Proqram (Bakı, 4 iyul 2019)

98. Azərbaycan Respublikası Hökuməti ilə Bolqarıstan Respublikası Hökuməti arasında pensiya təminatı haqqında Saziş (Bakı, 6 noyabr 2019-cu il)

99. Azərbaycan Respublikası Hökuməti və Bolqarıstan Respublikası Hökuməti arasında cinayətkarlıqla mübarizə sahəsində əməkdaşlıq haqqında Sazişə dəyişikliyin edilməsinə dair Protokol (Bakı, 21 noyabr 2019)

100. Azərbaycan Respublikası Dövlət Sərhəd Xidməti ilə Bolqarıstan Respublikası Daxili İşlər Nazirliyi arasında sərhəd məsələlər sahəsində əməkdaşlıq haqqında Saziş (Bakı, 21 noyabr 2019). 
     
     
     2021-ci il

101. “Azərbaycan Respublikasının Müdafiə Nazirliyi ilə Bolqarıstan Respublikasının Müdafiə Nazirliyi arasında hərbi təhsil və treninq sahəsində əməkdaşlıq haqqında Saziş”. (Bakı, 19 may 2021-ci il və Sofiya, 11 mart 2021-ci il).
     
     
     2022-ci il

102.  “Azərbaycan Respublikasının Şuşa şəhəri və Bolqarıstan Respublikasının Veliko Tirnovo şəhəri arasında qardaşlaşma əlaqələrinin təsis edilməsi və mədəniyyət, turizm, şəhərsalma, elm, iqtisadiyyat və ictimai həyatın digər uyğun sahələrində əməkdaşlığa dair Anlaşma Memorandumu”. (Sofiya, 30 sentyabr 2022-ci il).
     
     
     2023-cü il

103. “Azərbaycan Respublikası Gənclər və İdman Nazirliyi ilə Bolqarıstan Respublikasının Gənclər və İdman Nazirliyi arasında gənclər və idman sahəsində əməkdaşlıq haqqında Anlaşma Memorandumu” (Bakı şəhəri, 12 dekabr 2023-cü il)
     
     
     2024-cü il

104. “Azərbaycan Respublikası ilə Bolqarıstan Respublikası arasında strateji tərəfdaşlığın gücləndirilməsi haqqında Birgə Bəyannamə” (Bakı şəhəri, 8  may 2024-cü il)

105. “Azərbaycan Hava Yolları” Qapalı Səhmdar Cəmiyyəti və “Bulgaria Air” Səhmdar Cəmiyyəti arasında kod paylaşma Sazişi” (Bakı şəhəri, 8  may 2024-cü il)

106. “Azərbaycan Respublikasının Rəqəmsal İnkişaf və Nəqliyyat Nazirliyi ilə Bolqarıstan Respublikasının İnnovasiya və İnkişaf Nazirliyi arasında texnoloji innovasiya sahəsində əməkdaşlıq haqqında Anlaşma Memorandumu” (Bakı şəhəri, 8  may 2024-cü il)

107. “Azərbaycan Respublikasının Dövlət Neft Şirkəti ilə “Asarel Investment” arasında Anlaşma Memorandumu” (Bakı şəhəri, 8  may 2024-cü il).