Səfir Hüseyn Hüseynov "Euronews Bulgaria” telekanalına müsahibə verib
Dekabrın 22-də Azərbaycan Respublikasının Bolqarıstan Respublikasındakı səfiri Hüseyn Hüseynovun "Euronews Bulgaria” televiziya kanalına geniş müsahibəsi efirə gedib. Müsahibədə səfir Azərbaycanın sədrliyi altında COP29 konfransının uğurlu təşkili, bu tədbir çərçivəsində qəbul olunan mühüm qərarlar, ölkəmizin yaşıl enerjiyə keçid üzrə müəyyən etdiyi prioritetlər, Azərbaycan-Bolqarıstan strateji tərəfdaşlığı və digər mövzulara dair sualları cavablandırıb.
Müsahibədə səfir H.Hüseynov Azərbaycanın öz milli maraqlarını, eləcə də beynəlxalq həmrəylik, sülh və əməkdaşlıq dəyərlərini rəhbər tutaraq həyata keçirdiyi çoxvektorlu xarici siyasət strategiyası sayəsində, habelə mühüm beynəlxalq əhəmiyyət daşıyan irimiqyaslı enerji və nəqliyyat layihələrin uğurla həyata keçirilmasi nəticəsində yüksək etimad və önəmli nüfuz qazandığını vurğulayıb və neft və qaz ixracatçısından bərpa olunan yaşıl enerjisi daşıyıcılarının təminatçısına çevrilən Azərbaycanın Avropanın enerji təhlukəsizliyinə verdiyi töhfədən bəhs edib.
Müsahibədə həmçinin, Azərbaycan-Bolqarıstan strateji tərəfdaşlıq münasibətləri, yüksək səviyyəli siyasi dialoqun uğurla həyata keçirilməsi, ikitərəfli ticarət əlaqələrinin artan templə yüksəlməsi və qeyri-enerji sektorunda əməkdaşlıq üçün geniş potensiala malik sahələr barədə məlumat verilib.
Müsahibənin linki Посланикът на Азербайджан: С България имаме засилено стратегическо партньорство | Лицата на дипломацията
